Schutzpatron

A Schutzpatron (vo lat.: patronus, „Schutzherr, Onwoit“) is im katholischn Sinn a „Schutzheiliga“, dea wo moast duach a Weih mid ana bstimmdn Funkzion vabundn wead. Da Schutz ko se af an Ort, a Gengd, a Land, a Gebaide, an Beruaf usw. beziang. Weiba ois Schutzheilige nennd ma: Schutzpatronin oda lateinisch: Patrona.

Es gibd owa aa profane Schutzpatrone, wia z. B. Ritta, de wo a Kiach oda a Klosta vua Ogriffn gschizd hom.